PUNTS
la gasetta giuvna

Detagls davart l'ediziun nr. 173

schaner 2009
annada 15
Gion da cletg
PUNTS nr. 173
Redacziun: Flurina Cajochen
Victoria Mosca
Catrina Waldegg
Layout: Annatina Nay
editorial

Cletg e ventira per vita entira! (Silvana Derungs)

Tge giavischas ti per l’onn 2009: dapli cletg u dapli ventira?
U simplamain dapli cuntentientscha? (è quai “simplamain” propi uschè “simpel”?) Dependa tia qualitad da viver da la fortuna che ti has?
Tge è insumma la fortuna? Avair insaquantas cifras gistas en il lotto? Evitar ina situaziun dischagreabla fin catastrofala, evitar la disfortuna? Gist vegnir dumandà quai ch’ins sa era respunder en l’examen? Chattar ina bancnota da 50 giun plaun? U quinta in da 50 raps era gia sco fortuna?
È la fortuna influenzabla e forsa era contagiusa?
E co statti cun la ventira? Poss jau influenzar mia ventira?
E tge è per tai la ventira? Avair ina lavur cun buna paja? Avair ina lavur che ta plascha? Avair famiglia ed amis che t’aman? Esser inamurà? Esser cuntent cun tatez e quai che ti fas? U simplamain (puspè quest “simplamain” gnanc uschè simpel ed evident!) avair quest sentiment che ta sincerescha che tia vita mumentana saja cumplettamain en urden?

Chars lecturs, charas lecturas da las PUNTS: Jau engraziel che vus legiais er en il 2009 las PUNTS e sper che quellas as portian er vinavant in zic satisfacziun e divertiment durant la lectura. En num da la redacziun da las PUNTS as giavisch jau in bun onn nov e giavisch blers bels muments e mintgatant in pau fortuna, ma oravant as giavisch jau be cuntentientscha per l’onn 2009.

texts en questa ediziun

Silvana Derungs (Savein nus influenzar fortuna el lotto)? - Saskia Del Zotto)Anina Sonder (Portacletgs)Catrina Waldegg (Tge fò atgnamaintg en spazzatgamegn?)Andrea Könz-Meier (Punts e las stailas)Victoria Mosca (L'astrologa - in purtret)Silvana Capatt (Segirtad sin pistas da skis)3. Scola secundara e reala Sumvitg - Sara Hermann (Giuru: la seria)Silvana Derungs ("Be mumaints" cun muments da melanconia)Fadrina Hofmann Estrada (Mamma mia: che fortuna)Silvana Menzli (In tec historia: schaner 1959)Ursin Lutz (Il pled dal mais: Schweinada)Clau Dermont e Roman Liesch (Punts politicas: iniziativa da minarets)Astrid Alexandre (Mes tracks cun Mirco Manetsch)PUNTS (Las perlas da La Pagina)

Datotecas
  • 173.pdf (1.25 MiB)
turnar a la survista