PUNTS
la gasetta giuvna

Detagls davart l'ediziun nr. 170

october 2008
annada 15
Chalzers
PUNTS nr. 170
Redacziun: Flurina Cajochen
Sandra Monn
Victoria Mosca
Catrina Waldegg
Layout: Martin Cantieni
editorial

Davart la giaglina sportiva e las trais sdrimas (Sandra Monn)

Mia collecziun da chalzers dumbra actualmain otg pèra «sneakers». Jau als numnel «sneakers» – tut ils ulteriurs nums sco tschappas, pantoflas u «shoes» ma na paran betg buns avunda per in tal chalzer. Da quels otg pèra ston ins dentant subtrahar intgins per il diever da mintgadi: là fissan ils trais models ch’èn gia ina u duas stagiuns vegls e che dastgan be pli passar sin via, sche tut ils ulteriurs pèrs na van betg. Saja quai pervia da la colur che na va betg a prà cun la vestgadira u saja quai simplamain perquai ch’els n’èn betg pli en il trend. Per il pli vegnan quels elegids be lura, cura ch’i va en direcziun Val Lumnezia u uschiglio ad in eveniment che na lubescha betg gist mes megliers chalzers.

Cunzunt dus models èn actualmain mes preferids, in pèr da «the brand with the three stripes» ed in pèr da «la giaglina sportiva». Quels uneschan perfetgamain il look glamurus elegant cun sportiv cool. Igl ha duvrà in mument d’augmentar quest dumber dad in sin otg. Mo quai è stà inevitabel, pertge oz port jau mes «sneakers» l’entir onn. Betg pli sco pli baud, da buoba, cura che la mamma manegiava: «L’enviern stos ti trair en stivals.» Quai na vala betg pli. Jau hai vesì ch’ins sa er ir l’enviern sin la naiv cun «sneakers» senza dar sin il nas. Il «sneaker» – in chalzer per tut las occasiuns e tut las stagiuns.

Ed jau as giavisch anc ina buna lectura cun las PUNTS – la gasetta per purtadras e purtaders da «sneakers» e dad auters chalzers.

texts en questa ediziun

Silvana Derungs (In mumentin per la nauscha conscienza: la fabricaziun da chalzers en l’India)Victoria Mosca (Mias s-charpas)Saskia Del Zotto (Ils cotschens ni ils ners – tgei manegias?)Judit Augustin (Calzers – Oz e pi bod…)Silvana Derungs (Vas ti cun Mary Jane ni cun Cayman?)Valerio Glisenti e Giovanni Tischhauser (L’istorgia da las s-charpas)Marina Moura ed Andrina Camichel (Marcas)Curdin Käser (Punct da conflict: s-charpas!)Petra Crameri (La s-charpa nun es ün s-chierp, ma il mes-chel nun inclegia!)Marcio Rodrigues e Michael Steck (Las differentas grandezzas)Catrina Waldegg (Calzers ed igls peis liaint)Serena Maiolani (S-charpas da skater)Madlaina Niggli (Tge chaussas?)Chatrina Josty (La WG)Scarlett Zanotta (Converse)Sara Hermann (GiuRu: la seria)Anna Serarda Campell (Eu, eu ed eu: fictiv e flexibel)PUNTS (Il meglier da rtr)Roman Liesch e Clau Dermont (Las PUNTS politicas: Botellones)Ursin Lutz (Il pled dal mais)Fadrina Hofmann Estrada (Mamma mia)

Datotecas
  • 170.pdf (5.64 MiB)
turnar a la survista