PUNTS
la gasetta giuvna

Detagls davart l'ediziun nr. 17

october 1995
annada 2
Elecziuns
PUNTS nr. 17
Caporedacziun: Anita Simeon
Gaudench Dazzi
Catrina Salis
Layout: Gioni Fry
editorial

Mister Money (Werner Carigiet)

Dapi varga in onn fa el part da mintga discuors quotidian denter possessors da computers – silmeins da tals 80% sigl entir mund che possedan in apparat cumpatibel cun DOS. Tochen avon in pèr jamnas era el mo accessibels ad in pèr elegi che havevan la cuida d’acquistar ina versiun d’emprova. Uss eis ei el era cumprabels per sempels mortals che selain buca dumandar duasga d’astgar far part da qeulla gronda massa che vu lesser up-to-date. Jeu tschontschel da Windows 95, dil niev sistem da funcziun dalla firma da software Microsoft, ch’ei dil reminent en possess da Bill Gates, il pli reh American.

Schegie ch’il termin da furniziun ei vegnius stuschaus pliras gadas per plirs meins quenta Microsoft tuttina cun ina dallas pli grondas venditas d’in singul product ch’il munda ha zacu viu. Sulet en Svizra quentan ins da vender plirs tschienmelli programs. Il recav da milliuns e milliuns cumpraders sigl entir mund vegn a catapultar Bill Gates sin plaz 1 dallas persunas las pli liquidas da nies planet.

E buca mo quei: Gest ensemen cun siu program sa mintga utilisader "profitar" d’ina reit da datas (Microsoft Network) che colligia el directamein cun la centrala da Microsoft. Per saver entrar ella reit da datas ston ins denton indicar il numer dalla carta da credit – la finala dat ei nuot per nuot.

La reit da datas furnescha denton buca mo informaziuns al client (e quei enteifer in dieschavel secunda direct en casa), mobein era a siu "generus" possessur. Gates (ni Orwell?) e siu team survegnan automaticamein "custeivlas" informaziuns davart la configuraziun dil computer e da largias en siu arsenal da programs – che Microsoft furnescha immediat, aschispert ch’il client ha dau siu "ok" cun la miur e che la banca ha confirmau ch’il conto seigi aunc buca surtratgs. E tut quei schabegia ditg avon ch’igl utilisader havessi la minima schanza d’entrar en contact cun la concurrenza...

texts en questa ediziun

David Carigiet (Elecziuns – treis giuvnas per la giuventetgna)Guadench Dazzi (La dictatura dals tats)Anita Capaul (Jeu sun stadad impedida in di)Giovanni Netzer (Igl "ORCAN" a Savognin, Scuol, Mustér e Coira)Anita Simeon (Profil cun Giovanni Netzer)Anita Simeon (Schi omens dalla litteratura fon lour excurs musicals)Adrian Pally (EvenGIGent – la fiasta dalla GIG)Romana Costa (La plaza alla fnestra)Marcus Castelberg (Latinofilia ni germanofobia?) (In tschercha da l’univers personal – intervesta cun Gion Mathias Cavelty)Gian Jegher (Vagabunts – batten dalla Zee-Dee)Catrina Salis (Igl giat da Kirchner)Elvira Pünchera (Bernhard Schlink: Der Vorleser – Amur zuppeda, ün crim ed ün misteri)

turnar a la survista