PUNTS
la gasetta giuvna

Detagls davart l'ediziun nr. 167

zercladur 2008
annada 15
Sgular
PUNTS nr. 167
Redacziun: Flurina Cajochen
Sandra Monn
Victoria Mosca
Catrina Waldegg
Layout: Annatina Dermont
editorial

EDITORIAL 167 (Catrina Waldegg)

Igl è zercladur, il sisavel mais da l’onn. La stad è qua, ils blers na pon betg spetgar da star a sulegl cun egliers XXL e sperar ch’els vegnian uschè spert sco pussaivel brins sco in Brownie. Tuts braman per las vacanzas! Però avant ch’ins po far bogns da sulegl èsi da lavurar. Saja quai per ils examens finals u saja quai per gudagnar raps per insumma pudair ir en vacanzas.

L’ediziun da quest mais ha in tema che po esser fitg bel, però er esser fitg brutal, numnadamain il sgular. Noss puntists e nossas puntistas as preschentan las differentas manieras ed ils differents sentiments pertutgant sgular. Saja quai il sgol liber en l’aria u davart las emprovas da sgular atras l’istorgia u tge che nus na vulain betg sperar: sgular en venter.

Chars lecturs e charas lecturas, forsa è questa ediziun vossa lectura en l’eroplan, forsa stais vus era be sin balconia ed a tut quels che han da lavurar giavisch jau da pudair sgular in zichel cun leger questas PUNTS.

texts en questa ediziun

Sandra Monn (In sentiment nundescrivibel)Silvana Derungs (Sche squagls daventan aviuns ed autras inspiraziuns or da la natira)Saskia Del Zotto (Miu sgol en in auter mund)Carin Caduff (Viadi el lontan)Catrina Waldegg (Sgular tras la matura)Sara Hermann (La GiuRu preschenta: La seria)Clau Dermont (Las PUNTS politicas)Chatrina Josty (Dal biro grond en la WG)Anna Serarda Campell (Eu, eu ed eu - fictiv e flexibel)Fadrina Hofmann Estrada (Mamma mia)Ursin Lutz (Il pled dal mais)

Datotecas
  • 167.pdf (2.32 MiB)
turnar a la survista