PUNTS
la gasetta giuvna

Detagls davart l'ediziun nr. 165

avrigl 2008
annada 14
Auras sturnas
PUNTS nr. 165
Redacziun: Flurina Cajochen
Sandra Monn
Victoria Mosca
Catrina Waldegg
Layout: Carlo Clopath
editorial

EDITORIAL 165 (Silvana Derungs)

L’avrigl n’è betg gist il mais il pli »sexy«, per duvrar in adjectiv da moda. Igl è il mais tranter il mars ed il matg, il mais tranter enviern e primavaira, il mais tranter naiv e flurs-portg. Igl è in mais che è in pau tranteren; vus remartgais, chars lecturs e charas lecturas, jau na sun betg naschida en avrigl, uschiglio discurriss jau probablamain auter da quest mais. Igl è in mais che na sa betg tge ch’el vul: vents fraids u favugn? navaglias u plievgia da primavaira? sulegl u betg? Tge influenzas che quellas auras sturnas pon avair sin la moda e las lunas da nus umans vegn illustrà en questas punts.

L’avrigl è in mais lunatic, pudess ins forsa dir. Ma quai èn mettain tut ils mais, sche nus vulain esser sincers. Forsa che quai ans è dà en egl ils ultims onns: betg mo l’avrigl fa in pau da sturn, mabain er ils auters mais. E forsa che nus avain legì u udì che las auras sturnas han da far insatge cun la midada dal clima. Era da quest fatg pudais vus leger en questas punts.

Jau as giavisch en mintga cas in bel avrigl, cun in pèr vents sturns per suflar ora definitivamain la stancladad d’enviern e giavisch bun divertiment cun la lectura sturna da questas punts.

texts en questa ediziun

Roman Liesch (Meteoidiotia, hiperventilissem e manzignas verdas)Silvana Derungs (Insanua tranter isteria ed indifferenza)Sandra Monn (Evitar l'egliada el tuorbel e malegiar in sulegl vid la finiastra)Annatina Dermont (Aura stuorna = moda stuorna)Victoria Mosca (Nadel 2100)Silvana Derungs (»Go west « cun historias acusticas)Fadrina Hofmann Estrada (Mamma mia - Eu sun üna tetta)Chatrina Josty (Il biro grond - WG puspè)Anna Serarda Campell (Eu, eu ed eu: Fictiv e felxibel - Teater s-chanfesc)Sara Hermann (La GiuRu preschenta: la seria)Maurus Berni , Clau Dermont (Las PUNTS politicas)Jon Bischoff (fumetto)Flurina Badel (Ti vuls savair: Singin'in the rain)Flurina Cajochen (hall of sounds - Musica da rock e par cun pep)Astrid Alexandre (Mes tracks)

Datotecas
  • 165.pdf (806.33 KiB)
turnar a la survista