PUNTS
la gasetta giuvna

Detagls davart l'ediziun nr. 164

mars 2008
annada 14
Mars
PUNTS nr. 164
Redacziun: Flurina Cajochen
Sandra Monn
Victoria Mosca
Catrina Waldegg
Layout: Annatina Nay
editorial

Dultschissimo ed anc bler auter (Flurina Cajochen)

In puntissimo cun il titel «mars» per l’ediziun dal mais mars para forsa a vus, chars lecturs e charas lecturas, banal e trivial. Dentant, sch’ins chava profund, inscuntr’ins tematicas dultschas, forsa er in zichel curiusas, ni schizunt tematicas culturalas. Ins be pensa a la buna tschigulatta pachetada en palpiri nair cun l’enconuschent logo cotschen, ni al tradiziunal Chalandamarz en l’Engiadina (en quest’ediziun survegnin nus però ina curta impressiun dal «Calondamars» en Surmeir). E lura betg emblidar il dieu da la guerra dals vegls Romans ni lu era noss planet vischin.

Cun quests pleds as giavisch jau bun divertiment cun la lectura e speresch ch’era vus sentias l’effect dals ormons da cletg ch’èn gea enconuschentamain en la tschigulatta.

texts en questa ediziun

Silvana Derungs (Marsianic e venusianic: ina introducziun)Flurina e Tanja Augustin (Calonda mars an Surmeir)Victoria Mosca (Il früt dal Mars)Catrina Waldegg (Mars versus Snickers)Clau Dermont (The Capoonz: Buca mo vegnir vegls, mobein era megliers)Silvana Derungs (Maras: Bandas da giuventetgna en guerra)Madlaina Niggli (The star-spangled banner)Jon Bischoff (Fumetto)Chatrina Josty (Il biro grond: «café, gipfeli, mars?»)Flurina Badel (Ti vuls savair: Il corv spennà sa senta restrenschì sin il primbler)Fadrina Hofmann Estrada (Che vita da chans: Sco d ’ün oter planet)Anna Serarda Campell (Eu, eu ed eu: Fictiv e flexibel - Frasas ultimativas)Astrid Alexandre (Mes tracks 164)

Datotecas
  • 164.pdf (2.14 MiB)
turnar a la survista