PUNTS
la gasetta giuvna

Detagls davart l'ediziun nr. 163

favrer 2008
annada 14
Art
PUNTS nr. 163
Redacziun: Flurina Cajochen
Sandra Monn
Victoria Mosca
Catrina Waldegg
Layout: Annatina Dermont
editorial

Editorial 163 (Annatina Dermont)

Finì cun 08/15! Per novs maletgs en tia abitaziun na stos ti betg pli prender liber in suentermezdi per ir en l’Ikea. Ti sas ussa contemplar patgific l’ediziun speziala da Punts, contactar tia artista preferida u tes artist preferì, e pauc pli tard vegn in’ovra unica a decorar tia cuschina. Era sche ti dovras in regalin straordinari, chattas ti segir agid en questa ediziun da punts. Es ti stuf che a e b han uss era cumprà la medema chapitscha sco ti, simplamain en in’autra colur? Quai na ta capita segir betg pli, sche ti cumpras in chapitscha dad „anca“.

„art“ è il puntissimo da quest’ediziun speziala da punts. Via posta rumantscha e cun dumandar persunalmain las persunas havain nus chattà in bun tozzel giuvens e giuvnas rumantschas plain energia creativa. energia creativa che è activa en diversas spartas da l’art. Qua ta pudain nus pia preschentar art giuven naven da fotografas, picturs enfin chantaduras e cineasts. El center da quest’ediziun stattan oravant tut lur ovras. Sche quellas ta plaschan e ti has interess da vesair ni udir dapli dad ina tscherta artista, n’hagies betg retegnientschas da contactar el u ella.

En quest lieu engraziel jau gist a tuts ch’èn sa participads cun lur ovra e giavischel a mintgin bler success e plaschair, sco er ina massa energia da crear adina puspè novas ovras.

En num da la redacziun da punts ta giavisch jau ussa bler plaschair e nova inspiraziun cun nossa ediziun speziala.

texts en questa ediziun

Gian Tumasch Appenzeler ()Ines Caderas ()Manuela Gobeti – Lutz ()Cornelia Vinzens ()Ursina Giger ()Cristofel Bonorand ()Beatrice Hobi ()Jon Bischoff ()Madlaina Janett ()Martin Cantieni (betg artist) ()Bianca Steger ()Annatina Nay ()Selina Puorger ()Georgina Schneller ()Avalanche clothing company ()Annatina Dermont ()

Datotecas
  • 163.pdf (904.84 KiB)
turnar a la survista