PUNTS
la gasetta giuvna

Detagls davart l'ediziun nr. 162

schaner 2008
annada 14
nullaotgquindesch
PUNTS nr. 162
Redacziun: Flurina Cajochen
Sandra Monn
Rico Valär
Catrina Waldegg
Layout: Annatina Dermont
editorial

L'usitada rauba da schaner (Silvana Derungs)

Il december è il mais da trair bilantscha, guardar enavos e far plans e propiests per il futur u almain per l'onn vegnent u almain per las emprimas emnas da l'onn vegnent.

Il schaner è il mais da las midadas, il mais da l'acziun, il mais da la consequenza, il mais dad exequir ils propiests dal december. U almain las emprimas duas emnas dal schaner; las proximas emnas èn savens quellas da l'enconuschientscha da l'atgna flaivlezza.

Basta, PUNTS arriva qua vers la fin dal mais per as purtar in zichel schlantsch e frestgezza cun sia colur melna – ma er in zichel normalitad cun noss tema 08/15 e cun in'ediziun normala da las PUNTS (datti insumma quai?). Ma normal / sco adina / il medem n'è betg tut restà tar las PUNTS. Noss chauredactur Ursin ha ditg adia il december. Ses post hai jau dastgà surprender. Era tar il rest da la redacziun hai dà midadas; co che quella sa cumpona pudais vus eruir cun leger las PUNTS u cun guardar l'impressum u cun visitar nossa pagina d'internet www.punts.ch

Jau less anc giavischar in bun onn a vus lecturas e lecturs da las PUNTS ed as giavisch bun divertiment cun la lectura, cun propiests, recepts, engiavineras, comics, midadas e resignaziuns. Halt tut la rauba normala da schaner.

texts en questa ediziun

Sandra Monn (swedish design)Silvana Derungs (Recepts per purtar variaziun en tes pachet da lunch)Astrid Alexandre (Lönsch - ina biografia)Catrina Waldegg (Derivanza tg'è betg 08/15)Flurina Cajochen (In di ch'igl origin 08/15 ei miu telefonin)Silvana Derungs (Era Renzo ha cavels el nas)Chatrina Josty (il biro grond)Anna Serarda Campell (Eu, eu ed eu: fictiv e flexibel)Fadrina Estrada (Che vita da chans)Sara Hermann (Giuru: la seria)Jon Bischoff (Fumetto)PUNTS (ord la Quotidiana)

Datotecas
  • 162.pdf (1.41 MiB)
turnar a la survista