PUNTS
la gasetta giuvna

Detagls davart l'ediziun nr. 160

november 2007
annada 14
Cudeschs
PUNTS nr. 160
Redacziun: Chatrina Josty
Flurina Badel
Martin Cantieni
Silvana Derungs
Flurina Cajochen
Layout: Anina Hug
editorial

Leger il pled sugus sin il palpirin dal sugus (Flurina Badel)

La vita n'è betg in sugus. Sch'ins abstrahescha da tut il schaiss (consequenzas da malsogna, da guerra, da daners etc.), lura restan anc in pèr muments semi pseudobels. Muments sco: crappar dal  rir, tschum plar sin in piz e sa legrar dal panorama, s'inamurar e laschar sgular ils paslers en il venter or el liber, morder en in mail ed il suc dultschasch cula dal culiez giu. I dess ina glista infi nita da tals muments. Ma min tgatant na ma regord jau gnanc dad in chavazin da quella glista. Videzza totala. Mia tactica per surviver è la fugia. Scappar da la realitad. Leger.

Momentan sun jau gest scappadrasuperspezialista. I na fa betg pli da basegn da leger in cudesch (paralisa entras tscherna etc.). Seser davant ina curuna da cudeschs, vesair las colurs da las cuvertas, avrir in u l'auter cudesch e savurar las paginas, magari leger in pèr titels. Quai basta per sa perder, s'imaginar tge che la vita pudess esser.

Sco leger il pled sugus sin il palpirin dal sugus e savair precis co che il sugus gusta senza al man giar propi. Be cun leger il pled savair co ch'i fi ss da chavar ils dets en la massa dultscha, loma e sentir il mal il venter da memia blers sugus cura che tut il stumi tatga.

Questas PUNTS èn in pau sco ina curuna da cudeschs. Ellas cuntegnan ina pluna cudeschs e vus chattais divers recepts, instrucziuns da diever e fun taunas d'inspiraziun per vossas atgnas fugias. Per menziunar be insaquants: Ils titels elegids da Rico Valär procuran franc per ina visita en libreria u biblioteca. Fadrina Hofmann Estrada animescha da refl ectar sur dals cudeschs ch'ans han accumpagnads tras la vita fi n uss. Il text da Catarina Morscher recumonda da leger ils cudeschs da l'uffanza almain anc ina segunda gia. Deja Nuotclà, scolar da l'Academia Engiadina a Samedan, na scriva betg sur da cudeschs, ma sur da la Svizra plurilingua. Dal rest, sin nossa pagina d'internet www.punts.ch chattais vus ulteriurs texts che giuvnas e giuvens da l'Academia Engiadina han scrit per las PUNTS.

<Cun quai as giavischain nus ina buna lectura, nundumbraivlas variaziuns da fugias e quaida da mangiar sugus.

texts en questa ediziun

Daniela Derungs (Dall'entschatta alla fin e retour)Silvana Derungs (Murr - tut auter che pil gat)Catarina Morscher (Da Paddington tar Paddington)Flurina Cajochen (In cuort viadi litterar)Chatrina Josty (In'amur israeliana)Rico Valär (Mes cudeschs)Sandra Monn (Lingias emoziunalas)Fadrina Hofmann Estrada (Meis buns accumpagnaduors)Chatrina Josty (Ina charta da Chatrina Josty a l'autura Milena Moser)Silvana Derungs (In cussegliader dapli)Deja Nuotclà (Traunter Rumauntschs be rumauntsch - traunter idioms be tudas-ch)Petra Crameri (Mellan)

Datotecas
  • 160.pdf (1.14 MiB)
turnar a la survista