PUNTS
la gasetta giuvna

Detagls davart l'ediziun nr. 159

october 2007
annada 14
Elecziuns
PUNTS nr. 159
Redacziun: Chatrina Josty
Flurina Badel
Martin Cantieni
Silvana Derungs
Flurina Cajochen
Layout: Martin Cantieni
editorial

«Du kannst wählen»

è scrit sin l'emprima pagina dal carnet dal dentist che mintgin ha survegnì durant l'emprima classa primara.

Cun «du kannst wählen» è manegià ch'ins duai lavar ils dents.

Nus associain dentant «eleger» betg en emprima lingia cun lavar ils dents e preschentain perquai in'ediziun speziala da PUNTS cun las candidatas ed ils candidats da las glistas giuvnas per il Cussegl naziunal.

E per survegnir in purtret in zichel varià, per chattar in uman davos il politicher (politicras èn savens gia in pau pli umanas), avain nus gì l'idea da laschar scriver ils candidats sezs lur pitschna preschentaziun a maun e da squitschar quella gist uschia (era per tudestg).

A 6 candidatas e 14 candidats avain nus tramess per posta 20 formulars identics - e plaun a plaun èn 16 vegnids enavos en ina furma u l'autra. Quels chattas sin las proximas paginas.

16 pitschens purtrets politics senza scrittira unifitgada, senza correcturas e senza censura.

Sche ti vuls chattar tut las candidatas e tut ils candidats u savair sch'ils represchentants en las PUNTS han dissegnà endretg lur «smartspider», ta po gidar l'internet:

www.smartvote.ch
infurmaziuns detagliadas davart mintga candidata / mintga candidat

elecziuns.rtr.ch
tranter auter ina descripziun davart las reglas formalas ch'ins sto resguardar cun emplenir il cedel electoral

www.jfgr.ch
giuvens liberals

www.jsvp-gr.ch
giuvna PPS

www.juso-gr.ch
giuvens socialists

www.jcvp-gr.ch
PCD giuvna

Ma uss: Legia las PUNTS, tscherna 5 dals chaus ed emplaina il cedel electoral fin ils 21 d'october. E n'emblida betg da lavar il dents.

texts en questa ediziun

Jonas Alig ()Maurus Berni ()Christina Blumenthal ()Martin Blumenthal ()Daniel Cabalzar ()Martin Candinas ()Urs Domenig ()Dario Furger ()Tamara Gianera ()Andri Graf ()Jessica Koller ()Fabiano Menghini ()Yvonne Michel ()Friedrich Möhr ()Flavia Westermaier ()Loris Zanolari ()

Datotecas
  • 159.pdf (4.25 MiB)
turnar a la survista