PUNTS
la gasetta giuvna

Detagls davart l'ediziun nr. 156

zercladur 2007
annada 14
SMS
PUNTS nr. 156
Redacziun: Chatrina Josty
Flurina Badel
Martin Cantieni
Silvana Derungs
Layout: Carlo Clopath
editorial

Soluziun magari simpla (Ursin Lutz)

Ozendi tut che tschantscha da communicaziun. Communicaziun tranter las confessiuns, tranter las culturas, en la politica, a la plazza da lavur, en las uniuns, en ils clubs, en famiglia e schizunt cun sasez. Sche la communicaziun è insuffizienta, è quai la funtauna da tut noss problems.

I dat schizunt seminaris e lecziuns e trenaments e trenaders e gurus per communicaziun - pli u main per garantir ch’il project «communicaziun » haja success.

Pertge duvrain nus atgnamain tut quel plunder cura che trais simpels bustabs han la pussanza da schliar tut ils problems da la communicaziun? Cun SMS san ins entschaiver e finir relaziuns, gudagnar e perder guerras, cumprar e vender, confortar e contristar, far in plaschair ed ir sin la gnerva, motivar, smanatschar, empermetter, salidar e smaladir. Questa glista sa laschass prolungar tenor gust, quai ch’è ina clera cumprova per il basegn ed ils avantatgs da quella grondiusa invenziun. E tut quai per 20 raps. Fantastic!

N’è quai però betg ina soluziun magari simpla? Ils SMS permettan numnadamain era da viver senza planisaziun a lunga vista, da communicar senza resguard, senza furma e senza stuair mussar emoziuns. Far schluss? SMS. Gratular? SMS. Sa stgisar? SMS. Dir ch’jau haja emblidà in termin? SMS. Dir ch’jau vegnia memia tard? SMS. Tschertgar cumpagnia per ir en sortida? SMS. Brev d’amur? SMS.
Quai fan ins halt uschia ozendi. Binglar enagiu dabot quels 160 segns e fatg èsi. Il pir che po capitar è che 160 segns na bastan betg, lura èsi halt da scriver dus SMS. Viva la communicaziun moderna!

En quest senn giavisch’jau a vus, charas lecturas e chars lecturs, bun divertiment cun quest messadi curt.

cs voss chauredactur ;-)

texts en questa ediziun

Jan, Marc, Monica ed Annina (Scriver concepts ni SMS?)Flurina Cajochen (Buca mo sevarschau la detta)Sandra Monn (Malcapientschas pervia da SMS)Victoria Mosca (Sun misterius segns)Chatrina Josty (Tissi per la gnerva)Catrina Waldegg (SMS … ??? … SMS … ??? … SMS … ??? … SMS … ???)Sara Hermann (GiuRu preschenta: La seria)Fadrina Hofmann Estrada (Che vita da chans: Che fa Birba?)Silvana Derungs (Surselva goes Ebay)PUNTS (Mes tracks: Olivia Spinatsch)Anna Serarda Campell (One year in Paris - Cridar da la bellezza)Flurina Badel (Ti vuls savair: Jau na less savair pli nagut)Magistra B (Magistras.ch: SMS)Jon Bischoff (Fumetto)Martin Blumenthal (Murgnac ei staus a votar)

Datotecas
  • 156.pdf (6.59 MiB)
turnar a la survista