PUNTS
la gasetta giuvna

Detagls davart l'ediziun nr. 155

matg 2007
annada 13
Emprima amur
PUNTS nr. 155
Redacziun: Chatrina Josty
Flurina Badel
Martin Cantieni
Silvana Derungs
Layout: Martin Cantieni
editorial

Cura ch’il cor batta per l’emprima giada (Flurina Badel)

Al cumenzament gist il facit da questa ediziun da PUNTS: L’emprima amur tutga mintgin e mintgina. Ils cors battan ad in batter. Nagin po evitar da s’inamurar almain ina giada – l’emprima giada. Tuts e tuttas ston patir dals sindroms, e be darar resta l’emprima amur era l’ultima amur. L’emprima amur è quasi predestinada per crappar. Ella è in rumpacor – e lura vegn il crappacor. Jau na vi uss betg ir en l’istorgia dal crappacor. Quai è numnadamain il tema da l’amur nua che las lieungas da las dunnas na fan betg ruina, quai pudais vus era constatar legend questas PUNTS.
L’emprima amur n’è però betg mo tsunami, mabain era la stgala per arrivar en il settavel tschiel ed ils egliers per vesair tut en rosa. En questas PUNTS è natiralmain descritta era questa vart da l’emprima amur.

Damai: Suenter mintga plievgia vegn il sulegl, e suenter mintga crappacor d’amur suonda ina nova emprim’amur. Noss cors na smettan da batter. Uschia ha er il vegl layout da PUNTS gì da pachetar ses vestgì cotschen e da far lieu a ses successur – giuven e sexy, cun cantas e schlantsch. Donat Caduff è la culpa ch’il team da PUNTS è vegnì malfidaivel al layout vegl suenter bel e bain trais onns e ch’el s’ha decis per ina nov’amur visuala. Donat ans ha numnadamain manà ensemen cun il nov layout durant ina sesida romantica e cun mails d’amur.

Dal rest, sch’insatgi da vus (era betg singles) ans vuless scriver ina decleraziun d’amur, crititgar u abunar las PUNTS – las frizzas d’Amor chattais vus sin www.punts.ch.
Cun quai as giavischain nus buna lectura, in dus trais flirts cun battacor, e latiers as tramettain nus in bitsch (senza schlenguar).

texts en questa ediziun

Chatrina Josty (Vorrei)Flurina Badel (Ti vuls savair: nulla unda tam profunda quam amoris furibunda)Annatina Nay (10 damondas ch’il mund drova buc!)Marcus Albin (D‘amur mediala e manipulaziun)Raphael Dosch (L‘amprema amour)Marcial, Ramona, Daniela, Myrte (L’emprema amur en nos tgaus)Ursin Lutz («Oh, ti savessas turnar ... per exempel sco ina ...svotsch!»)Flurina Cajochen (Emprem’amur cun gust da salami)Sara Hermann (GiuRu preschenta: La seria)Anna Serarda Campell (One year in Paris: Oh! là là! Que d’amours splendides j’ai rêvées!)Fadrina Hofmann Estrada (Che vita da chans: Amurs nairas)PUNTS (Mes tracks: Astrid Alexandre)Jon Bischoff (Fumetto)scolasta B (magistras.ch: my job was my first love!)Tinetta Rauch (La soap: Il prüm di da scoula)Silvana Derungs (Punts lai schigiar las tschereschas dad Ursicin G.G. Derungs)Roman Liesch , Jon Pult (Punts politicas: Lescha da linguas)PUNTS (Andarojo return)PUNTS (Scola da musica Surselva ... e Canzuns d’emprema amur)

Datotecas
  • 155.pdf (3.23 MiB)
turnar a la survista