PUNTS
la gasetta giuvna

Detagls davart l'ediziun nr. 154

avrigl 2007
annada 13
Uniuns
PUNTS nr. 154
Redacziun: Chatrina Josty
Flurina Badel
Martin Cantieni
Silvana Derungs
Layout: Annatina Dermont
editorial

Editorial (Martin Cantieni)

Il president fa in cordial bainvegni a tut ils lecturs. I fetschia plaschair che tants sajan vegnids oz, malgrà la bell’aura, fin tar l’editorial (l’actuar guarda sin l’ura e noda il temp). Tut tenor partida politica e caracter persunal dal president suonda in monolog lung u pli lung da pauca relevanza. Lezia da l’actuar èsi da nudar qua e là in chavazin positiv che mussa sia loialitad cumplaina envers il president. Suenter questas pèr preliminarias pon vegnir elegids ils dumbravuschs; il president ha gia fatg la saira avant ils patratgs davart las persunas, ils pertutgads – infurmads avant che la sesida cumenzia – vegnan uss elegids unanimamain. Il president sa legra che la sesida avanza cun tal tempo e lascha era savair quai ils preschents cun purtar in witzin. In pèr rian or da loialitad cun il president. Tractanda 3: l’ultim protocol. Quai è il grond mument da l’actuar. El prelegia il protocol cun tun monoton. Remartgas? Correcturas? In vuless gugent far ina correctura, gughegia pèro betg. In auter ha pli paucas retenientschas; el na vul betg tegnair in grond pled, però tuttina prender la chaschun da suttastritgar anc ina giada en paucs pleds, senza curreger, simplamain far attents ad in, dus puncts ch’al paran impurtants. Il president engrazia. Ils auters suprastants n’han anc ditg nagut e sesan en loialitad enturn il president, be l’actuar scriva puspè. Il president vul gist cumenzar a quintar cun grond elan da l’onn passà, cur ch’el bada ch’el stuess anc laschar approvar il protocol. Quai vegn fatg unanimamain. Ils dumbravuschs conferman cun dar il chau.

Uss vegn preschentà il quint cun projectar las tabellas vi da la paraid. Entant ch’ils commembers 5, 9, 10, 11, 12, 16, 19 e 21 studegian anc tge che la terza colonna pudess signifitgar, mida il cassier gia la folia e preschenta il medem preventiv sco l’onn passà. Commember 5 vuleva atgnamain dir che la suprastanza haja sfarlattà daners e dumonda, suenter ch’el ha survegnì il pled dal president: «Quels divers custs – tge è quai exact?» Il cassier di insatge, quel che aveva dumandà «aha, gie» e sesa puspè giu.

Duas uras pli tard è la sesida a fin, il president giavischa in bun return a la lectura da las PUNTS e sa legra gia sin la proxima radunanza.

texts en questa ediziun

Ursin Lutz (intervista cun Oliver Nyffeler – il nov president da la GiuRu)Fadrina Hofmann (Rezia forever)Flurina Cajochen (senza tecnica va nuot a Pigniu)Ursin Lutz (1. finamiras: sfraccar e zunghegiar)Silvana Derungs (L‘uniun da giuventetgna da Suraua)Ursin Lutz (L’uniun da giuventetna da Casti)Silvana Derungs (Romania da giuventetgna – il num semida, l’idea resta)Madlaina, Mirjam, Romina (Uniuns)Dea, Flurin (L’uniun dals chillers)Anna, Flurina, Gianna, Sara (Padruot – Wege zum Glück)Roman Liesch e Jon Pult (Las Punts politicas: La Lia Rumantscha è ina uniun e betg ina partida - ella na po betg far politica)Flurina Badel (Ti vuls savair: 15 x miss banana sa tut)Anna Serarda Campell (One year in Paris: Mélodie de Paris)Tinetta Rauch (La soap: La scoula)Fadrina Hofmann (Che vita da chans: Il «Doppelpack»)Chatrina Josty (Mes tracks: Curdin Nicolay)Jon Bischoff (Fumetto)Sara Hermann (GiuRu preschenta: La seria)Carin Caduff (In’unitad; en memoria dalla Doors Celebration Party e dalla gruppa The Doors Experience)Martin Blumenthal (Urs Paul encunter la Romontschia)

Datotecas
  • 154.pdf (2.83 MiB)
turnar a la survista