PUNTS
la gasetta giuvna

Detagls davart l'ediziun nr. 149

october 2006
annada 13
Tamazi
PUNTS nr. 149
Caporedacziun: Annatina Nay
Flurina Badel
Gianna Sonder
Mevina Feuerstein
Silvana Derungs
Layout: Donat Caduff
editorial

Tamazi (Chatrina Josty)

PUNTS di: Tamazi. PUNTS pudess er dir: Idiot, tamberl, calöri, tabalori. U tut quai en il plural. Lura discurrin nus sur dad ina gruppa da persunas, sur da tscherta glieud senza differenziar. Differenziar è tut, ma cumplitgà, quai avain Annatina Dermont ed jau emprendì en in lavuratori en Serbia.

Annatina ed jau essan stadas là ad in seminari da minoritads ed avain participà al lavuratori davart stereotips. Las manadras dal lavuratori, Ksenja e Znjescha, vulevan savair: "Tge pensais vus da la glieud dal Balcan?" Nus avain ditg: "La glieud è amiaivla, fitg ospitaivla, ha in'egliada in pau trista, las dunnas en blondaswasserstoff ed ils umens barbus." Ellas n'eran betg dal tut cuntentas. "Mo bain", avain nus continuà: "La glieud para forsa mintgatant in pau agressiva, fitg emoziunala. Cunzunt ils giuvens van memia spert cun l'auto, èn tuts criminals e violeschan pitschnas mattettas, ditg curt; tuts tamazis agressivs".

Tge èn lura ils stereotips, l'opiniun da la maioritad tudestga en Svizra sur dals Rumantschs, ans avain nus stuvì dumandar en la continuaziun dal lavuratori. Be positiv, avain nus pensà, enfin che l'artitgel da Urs Paul Engeler è vegnì en la Weltwoche. Laders, chatschaders da subvenziuns neurotics e fanatics ed uschia vinavant, u resumond l'artitgel: Ils Rumantschs èn tuts tamazis.

In'autra incumbensa en il lavuratori en Serbia era dad exprimer noss stereotips, noss'opiniun sur da la maioritad en noss pajais, quai ha fatg bain: "Ils bünzlis da la Bassa èn tuts marschs, rachers, schnöris, ignorants u ditg curt, simplamain tuts tamazis".

Tuts tamazis, pertge lura anc differenziar? I pudess bain esser uschè simpel. En quest senn giavisch jau a vus tuts e tuttas ina buna e critica lectura!

texts en questa ediziun

Ursin Lutz - (Tamazis sco ti ed jeu)Gion Hosang (A la tschertga d'in tamazi)Gianna Sonder (Tgera Anna)Silvana Derungs (Mazza il tamazi – ina emprova etimologica)Chatrina Josty (Russendisko / In inscunter cun mes autur preferì Wladimir Kaminer) (Allas autoritads ridiculas)Annatina Nay (L'istorgia dal vadè en il chastè)Toni Caduff (Per sendas)Flurina Badel (El nu s'instrafotta)Rico Valär (Il rumantsch, ina lingua muribunda?)Fadrina Hofmann (Single tschercha … [part 2])Nicla Lozza (Ramours)Gianna Sonder (En prenzi)Ursin Lutz (Profil dal mais / Marie Louise Werth)Marc Bundi (SMDF: Urs Dubacher)David Bundi (Il gieu dal mais / Lord Of the Rings: The Battle for Middle Earth II)Chatrina Josty (La WG / Hotel Mladine – l'hotel da la giuventetgna)Silvana Derungs (Regiun Surselva / "La Surselva el center dall'Europa")

Datotecas
  • 149.pdf (473.22 KiB)
turnar a la survista