PUNTS
la gasetta giuvna

Detagls davart l'ediziun nr. 138

november 2005
annada 11
Minoritads
PUNTS nr. 138
Caporedacziun: Annatina Nay
Gianna Sonder
Mevina Feuerstein
Silvana Derungs
Layout: Donat Caduff
editorial

Minoritads (Chatrina Josty)

"Uff…" cun in grond surlevtg ha il team d'organisaziun da la GiuRu prendì cumgià dumengia, ils 16 d'october da la entira brajada giuvenils da tut l'Europa. Els avevan visità la GiuRu en il rom dal program annual da la GCEE (Giuventetgna da Cuminanzas Etnicas Europeas) durant 4 dis. Rodund 50 giuvenils da 14 pajais e ruduond 20 ulteriuras persunas da la GiuRu e da las Punts han passentà il seminari a Laax. Il program era variant: lavuratoris intensivs, discussiuns al podium, ina excursiun, in concert.

"Tübas, fondue e multicultura" era il titul dad in artitgel en la Quotidiana che ha fatg bilantscha dal seminari. E quel titul exprima per mai il coc da quai che è capità sper il program da lavur. Durant il seminari "Inscunter" avain nus fatg inscuntrar a noss participants era cun il rumantsch, ils Rumantschs ed era cun la cultura svizra. En quel senn avevan las tibas da l'emprima saira persvadì cumplainamain a noss giasts. In pau auter erì cul fondue: bunamain mo las furtgettas dals "indigens" sa sfundraivan en ils caquelons. Qua ha sa mussà la mutlicultura; ils multiculturists, la gronda part dals giuvenils da las autras culturas ch'eran a Laax, n'han gnanc gì gugent il fondue! Suenter in pitschen mumentin da schoc da nus organisaturs (cò na san ins betg appreziar LA spezialitad svizra?) erì ensasez evident per nus: nus essan ils curius che mangian questa sosa da chaschiel ed alcohol impussibla, e quai era anc sco tratga principala! (Vul dir, igl na dat nagut auter suenter il fondue!) Multicultura, hai fatg "clic" tar mai, è en quel senn adina era in reflectar davart l’atgna cultura, in metter en dumonda ella. Tenor noss motto: "Inscunter", damai, inscuntrar ad in'autra cultura e vesair l'atgna cun novs egls. Mintgatant drovi per quai halt in fondue… En mintga cas: cun quai era ina finamira che nus avevan, cuntanschida.

A vus, charas lecturas e chars lecturs (n'importa betg sche vus avais gugent fondue u betg) giavisch jau ina buna lectura ed in bun "inscunter" cun questa ediziun speziala da las Punts!

texts en questa ediziun

(L'Europa sco cavagl ()Ursin Lutz (La GCEE - Giuventegna da las cuminonzas etnicas Europeicas)- Annatina Nay)Fadrina Hofmann (Portret #1: Frank de Boer)PUNTS (Birra in differentas linguas) (L'Europa sco tartaruga) (Las organisaziuns participontas)Annatina Nay (Portret #2: Veronika Hopfgarter) (L'Europa sco gat) (Glossari) (Il program dil seminari)Fadrina Hofmann (Portret #3: Rozio Luces) (L'Europa sco aviuls)Fadrina Hofmann (Vuschs da partecipants) (Minoritad)Silvana Derungs (Portret #4: Ramond Filipovits) (L'Europa sco glimaia)Silvana Derungs (Co drizzar en in`aula per ina discussiun da podi?)Annatina Nay (Concert final)Gianna Sonder (Portret #5: Ben Leed)Annatina Nay (D'uettas e sutgas - la discussiun da podi) (L'Europa sco rosch d'utschals)Ursin Lutz (Portret #6: Christiana Waldzic) (L'Europa sco cameleon)Annatina Nay (Lovely Switzerland)Gianna Sonder (Portret #7: Stephan Kleinschmidt) (L'Europa sco papagagl)Fadrina Hofmann (Scumissas durant il gö da ballapè Svizra - Irlandia)Silvana Derungs (Portret #8: Jackie Hemingway) (L'Europa sco scunc)

Datotecas
  • 138.pdf (48.83 MiB)
turnar a la survista