PUNTS
la gasetta giuvna

Detagls davart l'ediziun nr. 137

october 2005
annada 11
Superstiziun
PUNTS nr. 137
Caporedacziun: Annatina Nay
Gianna Sonder
Mevina Feuerstein
Silvana Derungs
Layout: Donat Caduff
editorial

Superstiziun (Silvana Derungs)

Tgi da nus na ha betg sias cardientschas blauas persunalas? Tschertas ideas fixas sco p. ex. las chautschas suten che portan fortuna ni forsa perfin la triscaidecafobia (la tema dal tredesch), la tschertga dalla fortuna cun tschertgar ils quatterfegls ni auters rituals.

Dentant talas superstiziuns na restan betg adina mo "flausas" persunalas ed auters tiran a niz quai. Chalenders astrologics, dietas tenor la glina, strias e striuns e profets da tuts geners, gurus en radios e televisiuns e sin telefon, mediums tranter nos mund ed auters munds, horoscops dretg e sanester, cudeschs dal fatg cun blers cussegls nizzaivels, p. ex. davart la mistica dals dumbers... Insumma, in magazin senza hor(r)o(r)scop n'è ozendi betg in magazin da vaglia. Forsa che ina tala rubrica – ina rubrica horoscopica – manca anc en las PUNTS? Mintgamai cun il segn dal zodiac dal mais. Geabain! E per che las prognosas na sajan betg memia nunprecisas, risguardain nus gist anc las diversas variantas cun ascendents e transcendents e descendents. Proxima ediziun speziala: PUNTS sco revista astrologica cun tut ils detagls picants zodiacs da puntists e puntistas.

Enfin là giavisch jau buna lectura cun las PUNTS nr. 137. Tgi sa tge ch’ins spetga cun questa cifra?! Forsa ch’ella è ina cifra disfortunada cun l‘1 ed il 3 che furman la cifra da disgrazia absoluta ed alura anc il 7 che n’è era betg ina cifra dal tut schubra. Ma forsa ch’il 137 è in bun segn. Cun il 3 ch’è ina cifra magica par excellence ed il 7 minus l'1 che dat alura 6 ch’è 2 ga il 3, pia 3 (buna cifra magica!) da 3 (dito)! Tge vul'ins dapli? Ah, bunamain emblidà: 137 è ina cifra prima! Betg forsa in mez-lungurus 2^3*17 sco la davosa ediziun ni in magari anc interessant 2*3*23 sco la proxima. Na, in simpel 137 e basta! Dependents/ dependenta da nagin auter. Giudai quest unicat!

texts en questa ediziun

Annatina Nay (Superstiziun - poesia dalla veta)- Mevina Feuerstein)Fadrina Hofmann (Davart giats nairs e trafögls da quatter)Pia Valär (Stereotips, eir be superstiziun?)Silvana Derungs (Flausas ni verdads profundas?)Mario Caviezel (La vardà davo la vardà)Gianna Sonder (Yoga - hocuspocus u nizegigl propa?)Ursin Lutz (Il project Parc Adula)Gion Hosang (72 uras cumpleina acziun!)P. (Las schibettas dal mais)Marc Bundi (La droga dil meins: Ecstasy)Marc Bundi (La seria meinsila da fotografias: Eveniments en Svizra)Maurus Blumenthal (Profil dal mais: Renzo Blumenthal) (brev-lectur@hotmail.com)Arno Camenisch (Tuppa schnorra: Il sini e la hexa)Placi Flury (Placi e la sgarschur: Dormas?)

Datotecas
  • 137.pdf (3.05 MiB)
turnar a la survista