PUNTS
la gasetta giuvna

Detagls davart l'ediziun nr. 134

fanadur 2005
annada 11
Budget
PUNTS nr. 134
Caporedacziun: Annatina Nay
Gianna Sonder
Mevina Feuerstein
Silvana Derungs
Layout: Roman Schmid
editorial

Budget (Martin Cantieni)

Büütgé: na, quai n’è betg puter ed er betg vallader. Ed i na sa tracta betg dal verb che descriva il compromiss classic tranter discurrer (dunna) e sex (um). Jau discur dentant dad insatge cun betg main sex-appeal. Pertge esser ranver è gea gail! I va per il sexy-trendy budget.

Budget, ranvaria e spargnar quai è IN. Qua in pèr raps, in pèr puncts, in bon, là in ni dus pertschient. U levas pli gugent in pèr SMS gratuits?

Aber anc meglier; ti cumpras in gril! Quels fissan ussa numnadamain gest acziun, mo anc pli bunmartgà esi cun il bon dal migros – aber quel è tuppamain insanua a chasa? Alura forsa tuttina meglier da cumprar in handy, pertge in onn abo fiss puspè passà. Alura avessas da bun in nov. Forsa cun mp3? U levas pli gugent in cun megliera qualitad dal maletg? Tar quels da tschella marca èn pero ils accus megliers. Ni telefoneschas ti bler da notg, alura fissi numnadamain meglier...Ussa stos dentant dar adatg: Ti stos schon prender in abo da sunrise, quels qua valan be per swisscom, schiglioc è il telefonin alura puspè in zic pli car, lura custass el 256.- (senza abo – dad orange, manegel). Ti levas mo telefonar? Gea, quai sas cun tuts! Ni che ti midas directamain tar orange, sche ti es student - es ti u betg? – alura dessi là ina super offerta, sche ti fas gist anc il contract per dus onns. Ti survegns il handy per 19.90 – quel custass normalmain 429.-! Senza abo, naturalmain. Quai vul dir atgnamain cun abo, pertge quel stos avair. U telefoneschas ti savens en l’exteriur?

Qua gessas il pli gugent puspè enavos en la partiziun da victualias a rimnar superpuncts. E là has gist er l’avantatg che quels miran cun bio plan bio natura eco engaschi ch’i haja anc in pau tratsch vi dal tartuffel, che ils purs en Ecuador survegnian dus raps dapli per lur café e che ils peschs hajan er vacanzas. Aschia sas baiver tes café engaschà – il meglier fatg cun ina maschina da café nova (questas èn er gest acziun ensemen cun ils grils) – e cun lappar vi da tes espresso cun ina stresa stgima sas patertgar dals purs paupers en l’Africa che pon uss trametter a scola in figl. Aschia gusti gia bler meglier e ti na stos pagar nagut per la crusch cotschna ni per amnesty, quai fas uss numnadamain cun baiver café. E daco betg gest trametter a l’amia in MMS dalla nova maschina da café? – Ella vegn ad avair plascher.

Apropos avais ina carta da credit da la ubs? Cun quella avessas entrada libra per passa 400 museums! Aschia n’avessas er nagins problems pervi dal budget.

Aber vus n’avais betg temp, aha... Alura sa büütgé halt!

texts en questa ediziun

Mario Caviezel (Agüd - inavan!)Marcus Albin (Sturni il crocodil!)Marc Bundi (La droga dil meins: LSD)Mevina Feuerstein (Voust cumprer drogas?)David Berther (Ricardo ed ebay - cumprar miarda da bienmarcau ni ei quei ina buna caussa?)Ursin Lutz (In pign excuors etimologic)Chatrina Josty (Tranter umens: In va davent - per fortuna!)Gianna Sonder (Alla riva digl Lai Bodan - Friedrichshafen)Laura Meng (Profil dal mais: Paulin Nuotclà)Fadrina Hofmann ("Avanti cun kindels, schubas e sgulanotgs!")Ursin Lutz (Post da promoziun per l'economia en Surselva)Placi Flury (Placi e la sgarschur) (brev-lectur@hotmail.com)Ephraim, student a Wandschrank (Liricas banalas IV)Patrick Capaul (Las schibettas dal mais)Arnito Camenisch (Tuppa schnorra: Budget)Marc Bundi (Seria meinsila da fotografias: Roman Schmid)Roman Schmid (Low-Budget comics)

Datotecas
  • 134.pdf (1.50 MiB)
turnar a la survista