PUNTS
la gasetta giuvna

Detagls davart l'ediziun nr. 122

fanadur 2004
annada 10
Maschinas
PUNTS nr. 122
Caporedacziun: Gianna Sonder
Mevina Feuerstein
Ursin Lutz
Layout: Donat Caduff
editorial

Maschinas (Mevina Feuerstein)

Maschinas da far quints, telefonins, aviuns, autos, computers, roboters, televisiuns, frestgeras, solariums e taraders ans gidan dad ir tras la vita senza bleras difficultads u fan simplamain plaschair. Senza maschinas na survivessan uffantins che naschan massa baud. Senza maschinas na pudess ins betg guardar u dudir mintga saira novitads da tut il mund. Senza maschinas na pudess ins gnanc betg tadlar tut quella differenta musica, saja quai en il radio, da discs cumpacts u ad in concert.

Datti er gia maschinas che ans vestgischan la damaun u che fan dad ensolver gist quai ch’ins vess quaida? Maschinas che spidan raps? Maschinas che discurran cun glieud che nun ha uschiglio nagin? Nua è il cunfin etic? Cura vess ins er sasez da far insatge e na betg surlaschar tut be a maschinas?

Co fiss quai sche ils umans na vessan da far pli nagut, per tut vessi ina maschina u in roboter?

Forsa domineschan en il temp dad oz er gia las maschinas, l’automatisaziun. Blera glieud perda mintg’onn la plazza perquai ch’igl è pli bunmartgà da far tut en serias cun maschinas. Umans custan!

Provain dimena da chattar il cunfin tranter maschinas che gidan e maschinas che fan pli donn sco bain, sco er tschertas maschinas da guerra.

Ma per tschertas chausas na dovr’ins segiramain betg maschinas, sco per exempel per branclar ad ina persuna ch’ins ha gugent, per ir a spass a la riva dal mar e sentir las undas vi dals pes nivs – u per leger PUNTS! Bun divertiment!

texts en questa ediziun

David Berther (Da maschinas e chistas da savun)Mevina Feuerstein (Duonnas e tecnica)Ursin Lutz (Maschina = carstgaun - sentiments)Maurus Blumenthal (La maschina - la forza da nossa cultura?)Giachen Maissen (Maschinas)Pia Valär (Na)Laura Meng (Oters insömgian da villas)Arkadiusz Luba (Prussa orientala meets rumantschia!)Patrick Capaul (La schibetta dal mais: Beastie Boys - to the 5 boroughs)Roman Schmid (Cartoon) (La plema d’aur 2004)Samantha (Däita ina maschina)Rafael Müller (La moto: Maschinas scu nign’otras)Aluis Candinas (Nus essan maschinas)Arno Camenisch (Tuppa schnorra: En vacanzas)

turnar a la survista