PUNTS
la gasetta giuvna

Detagls davart l'ediziun nr. 117

favrer 2004
annada 10
Novas vias
PUNTS nr. 117
Caporedacziun: Gianna Sonder
Mevina Feuerstein
Ursin Lutz
Layout: Donat Caduff
editorial

Novas vias (Mevina Feuerstein)

Il mund enturn nus sa mida d'in di a l'auter. I vegnan fabritgadas autostradas, tunnels pli gronds, vehichels per ir sin il mars e sin la glina, ils computers vegnan pli pitschens ed er megliers, e sur internet pon ins perfin gia pustar uffants.

Surtut glieud giuvna stat adina puspè davant ina cruschada e sa sto decider tge via ch'ella vul prender. Sajan quai decisiuns da scolas pli autas, da professiun, da glieud ch'ins vul esser ensemen, sco per exempel collegas u marus/as... Mintgatant datti er la situaziun ch'ins sto returnar in toc ed ir en in'autra direcziun, sch'ins n'è betg pli cuntent cun la via ch'ins aveva prendì.

Er PUNTS è ì novas vias 2003: Blers èn novs, per exempel il secretari, la chauredacziun, la redacziun... Ussa guarda in nov team motivà enavant plain tensiun, mirveglias ed ideas sin quest onn 2004.

Pli baul sa viveva circa tut la vita en il medem vitg, per il pli s'emprendeva la professiun dal bab u da la mamma, sa marideva e sa veva famiglia. Las decisiuns èn gnidas surpigliadas dals geniturs u da la societad, e la glieud era tuttina cuntenta cun quai ch'ella aveva.

Ozendi è quai difficil da savair decider tge ch'ins vul en questa massa d'infurmaziuns e da pussibiltads. Perquai è quai forsa er pli simpel d'ir novas vias, d'emprender ora chaussas ch'ins n'ha anc mai fatg. Glieud interrumpa studis u emprendissadis curt avant la fin, auters dattan la desditga e midan professiun mintga pèr onns.

Tge novas vias va la glieud d'oz? Tge pon ins tut far? Las respostas chattais Vus en quest'ediziun! Nus As giavischain bun divertiment cun chattar ora tgei vias che VUS vulais prender!!

texts en questa ediziun

Rafael Müller (Igls gails musicists) (Chat, extract)Gretta Bott (Intervista cun ün scuavias)Roman Schmid (Cartoon)Martin Blumenthal (Avanti viers novas vias politicas)Claudio Derungs (Religiun - quo vadis?)Gianna Sonder (Proporziuns tgi èn sissu)Maurus Blumenthal (Ri sur dils sbagls ed els fan senn!)Ursin Lutz (Romania da giuventetgna)Rafael Camenisch ("Tgi critichescha pli fitg ch'ils rumantschs!")Fadrina Hofmann (Sü e davent!)Pia Valär (Da globalofils e globalofobs)Annatina Nay (Analogia - igl emprem disc da hiphop romontsch) (2. Indoor Festival)Samantha (Dress-codes ed auters giavischs dad umens)Gretta Bott (Ir nouvas vias, sainza vulair)Patrick Capaul (Disc dal mais: Melissa auf der Maur)Rafael Müller (La moto: Tgi ha inventà ils rockers?)Arno Camenisch (Tuppa schnorra: Valentin ed Alfons)

turnar a la survista