PUNTS
la gasetta giuvna

Detagls davart l'ediziun nr. 115

december 2003
annada 10
Battacor u gaga?
PUNTS nr. 115
Caporedacziun: Gianna Sonder
Mevina Feuerstein
Ursin Lutz
Layout: Theres Jörger
editorial

Battacor u gaga? (Fadrina Hofmann)

Ins di che la creativitad derivia dal caos. PUNTS è creativ: nus vain gì in caos!

En ils ultims mais ha quai dà uschè bleras midadas da puntissimos che la fin finala han schizunt ils schefs (e la scheffa) perdì la survista. La collavuraziun cun la televisiun n'ha betg funcziunà - spustar in puntissimo. Per l'agenda prevesida n'avevan nus tuttina betg ils daners - midar il puntissimo sin "on the road" e spustar ils auters puntissimos. Resultat: ils Sursilvans sentan che l'enviern vegn e scrivan sur da "battacor", ils Engiadinais s'interessan plitost per glieud tgi batta er senza cor e scriva da "gaga", ed ils Surmirans na vegnan insumma betg pli londerora. Item. En mintga cas datti ussa dus puntissimos: battacor e gaga. U esi daventà plitost in puntissimo che cumpiglia tuts dus? Dimena: battacor u gaga?

Battacor: L'emprim di da scola, la saira da Nadal avant che spachetar ils regals, currer sin il bus, quel mument avant l'emprim bitsch, spetgar al tren cun il qual l'amant vegn a vegnir, l'agitaziun avant in examen, guardar las stailas e na sentir nagut auter che l'agen battacor.

Gaga: Na betg chapir pli il mund, ir en il guaud e sbragir natiers la primavaira, dar in tof e tegnair davant il tgil in zulprin, ir cun 120 km/h sin vias grischunas, baiver fin che l'emprim cruda enturn, rimnar tschics duvrads, avair sgurdibels en il chau.

Battacor survegn'ins sch'ins è inamurà ed en da quels muments batta la blera glieud er in zic. Ils dus puntissimos van atganamein magari bain ensemen, u betg?

As laschai surprender dals products che noss redacturs han stgaffì en PUNTS nr. 115 - cun battacor u senza, cun in chau cler u forsa er in pau gaga. Bun divertiment!

texts en questa ediziun

Aline Dietrich , Rebecca Good (Impissamaints gagaistics)Leticia Demonti , Nadia Federspiel (As baiver gaga)Gianna Sonder (Savens tractainsa disturbis d'adattaziun)Michele Badilatti , Silvano De-Stefani (Jackass - amalo u progressiv)Zegna Dosch (Puls 130)Jon Pult (Perché demonstrar cunter il WEF?)Rafael Camenisch ("Jau na ma sent betg sco in nauschun")Silvana Janett , Selina Bezolla (Rumantsch grischun in scoula! Gaga?)PUNTS (Ciaociao Battaporta?!?)Rafael Camenisch (En vacanzas)Beth Martin (Musica pil cor)Ursin Lutz (Las treis ???)Annatina Nay (Tras il marcau cun egls serrai)Patrick Capaul (Mashine Head)Samantha (Uh, la vita è scharfa!)

Datotecas
  • 115.pdf (500.20 KiB)
turnar a la survista