PUNTS
la gasetta giuvna

Detagls davart l'ediziun nr. 112

settember 2003
annada 10
Lifestyle
PUNTS nr. 112
Caporedacziun: Gianna Sonder
Pia Valär
Rafael Camenisch
Layout: Alex Meyer
Sabina Albanesa
editorial

Lifestyle (Rafael Camenisch)

Trais mais en l’Australia. In servetsch social en l’America dal sid. In’emna sin las Balearas. In Bungy Jump. Ina proxima festa. Tschertgar in job sin temp. Parter in’abitaziun cun amitgs. Tschertgar il cletg, la cuntentientscha. Esser giuven.

Adrenalin. Alcohol. Il kick. Cannabis. L’Open air. L’amur. Viagiar. Ina prisa esoterica.

Magari in zichel sco en ils sessenta, magari in zichel scort sc’in cumpogn universal – ina persuna giuvna d’ozendi. Magari ni l’in ni l’auter. Forsa giascha là la differenza tranter ozendi ed auters temps, en quest "forsa". Pertge: La Miss Svizra va sturna cun auto, ils presidents fan guerras senza motivs, ils economs èn responsabels per la globalisaziun (u er betg), il Grischun festivescha a Turitg. Temas sempers… ed insumma: Cuntent poss jau be daventar tut sul. Lifestyle. Tge è segir? Il Heimat Feeling? Mes quatter mirs? Ils condoms rumantschs?

Kino. Playstation. DVD. Las PUNTS. Musica. L’Blick. L’excess. La baselgia. Nagut è nov. Pauc è franc. La moda da viver dad ozendi è marcada dal tschertgar – cunfins, ses plaz, sa sez, quei che ans plascha. E perquai lain forsa dar raschun al Ben Harper: "Sometimes you just have to walk away." U tuttina al grond filosof tudestg Immanuel Kant che ha scrit ovras enorm umpurtantas pertutgant la filosofia dal stadi – senza quasi ina giada avair bandunà ses Königsberg. Forsa.

I resta be da sperar che questas PUNTS as plaschian, chars lectur e charas lecturas.

texts en questa ediziun

Christoph Mareischen (Lifestyle sen la plazza)Ursin Lutz (Ei tila in vent)Mevina Feuerstein (Nic Ripz - ün artist cun corp ed orma)Gianna Sonder (Digl pasterner agl guardian)Rafael Camenisch (Betg in um?)Maurus Blumenthal (Fugir el mund ni embratschr gl’entir mund)Pia Valär (In viedi)Fadrina Hofmann (Coco Chanel - innovatura ed icona)Gianna Sonder (Veiver da l’oter mang digl mond)Conradin Klaiss (Hm...)Curdin Fliri (Film dal mais: Achtung, fertig, Charlie!)David Spinnler (La schibetta dal mais: Cléan - Universal Language)

Datotecas
  • 112.pdf (1.20 MiB)
turnar a la survista