PUNTS
la gasetta giuvna

Detagls davart l'ediziun nr. 111

avust 2003
annada 10
Illegal
PUNTS nr. 111
Caporedacziun: Pia Valär
Ursin Lutz
Valentina Camous
Layout: Renate Granate
Sabina Salmonella
editorial

Illegal (Valentina Camous)

Schi nous faschagn ensatge illegal, alloura agiainsa cunter la lescha. La confederaziun posseda ena constituziun fitg cumplexa. Las leschas, las ordinaziuns ed igls reglaments, tgi neschan or dalla constituziun èn derasos sen tot igls sectours dalla veta. Per mintga problem u acziun ins catta ainten la lescha massada artetgels. Pero betg mintgign less respectar la lescha e sa tigneir ve da chella. I dat persungas tgi resaintan en act illegal scu chic, scu squitta d’adrenalin. Oters ston surpassar la lescha per saveir far tschertas acziuns, scu per exaimpel igls sprayers. Lour hobbi n’è betg legal, uscheia von els da notg sen veia e malegian e screivan cun lour vapurisaders ve da meirs u bietgs. È lour acziun giustifitgeida?

Pertgi nous n’agiagn betg illegal, vessan nous d’ancanoscher tot igls artetgels dalla lescha. Bod impussebel! Ni betg?

Ia va sfiglia la glista da multas dalla pulizeia cantunala digl Cantun Grischun. A me eran bagn ancunaschaintas la gronda part digls casteis. Ma ia va er catto enqualtgi muntas, tg’am on laschea surstar e deir "oha!" Cò ena pitschna schelta

Scu velocipedista e velocipedist ègl scumando da:
Lascher liber igl guvernagl (20 fr. multa); lascher liber igls pedals (20 fr. multa); duvrar igl passape sainza descender digl velo (30 fr. multa); tralaschar igl segn cun igl mang, sch’ins sveia a dretg (20 fr. multa); tralaschar igl segn cun igl mang, sch’ins sveia a sanester (30 fr. multa); betg aveir en scalign (20 fr. multa).

Cunaschevas vous mintga da chellas seis reglas numnadas? E vez er adegna tignia aint chellas? Na?

Alloura az vogl scu a me! La sung betg l’ameia per acziuns illegalas, pero fatg er ia chi e lò talas. Betg ord margveglias, betg perveia digl chic e betg cun plascheir, mabagn sainza saveir, tg’ia fetsch chegl! Ma scu tg’en proverbi tudestg, "L’ignoranza na protegia betg da casteis!", ò sa confirmo, vaia gio gia da paer giu chest’ignoranza cun ena somma da daners.

Vez gost da liger istorgias illegalas, tgi èn neidas onoradas cun u sainza multas? Alloura angal dai, lige la nov’ediziun da PUNTS! Ia az giaveisch bler plascheir.

texts en questa ediziun

Rafael Müller (Zatge da töfists illegals crass agl limit)Fadrina Hofmann (Scumandà severamaing da tschüblar suot aua) (Il destin d’in buob che mudergiava animals)Ursin Lutz (Banalitads illegalas)Martina Berther (Lara)Pia Valär ("Eau nu d’he l’impreschiun da fer simplamaing be vandalismus. Zugliand ils mürs grischs da bettun imbellischi la cuntredgia.”)Fadrina Hofmann (Workshop "far radio”)David Spinnler (Schibetta dal mais: Echoboy - Giraffe) (Film dal mais: Harold and Maude)

turnar a la survista