PUNTS
la gasetta giuvna

Detagls davart l'ediziun nr. 108

matg 2003
annada 10
Brisant
PUNTS nr. 108
Caporedacziun: Pia Valär
Rafael Camenisch
Valentina Camous
Layout: Theres Jörger
editorial

Brisant (Rafael Camenisch)

Bagdad è crudà. Tranter Israel e Palestina nun è nagina pasch en vista. En l’Algeria èn 31 turists svanids. En l’Africa dal sid survegnan pliras millis persunas indemnisaziuns en daners per ils mals durant il temp da l’apartheid. Ils Curds vegnan supprimids da la Tirchia, il Tibet da la China. A Mosambic regia dapi decennis ina guerra burgaisa. A Simbabwe èn ils farmers alvs vegnids stgatschads or dal pajais cun agid dal president Mugabe. La malsogna Sars fa tema sin l’entir mund. En Svizra èn l’onn passà pli bleras persunas infectadas cun il virus HIV che l’onn avant.

Vegn la Svizra ad acceptar las iniziativas per electricitad senza atom? Vegn il pievel svizzer a dir gea a la refurma dal militar? Vegn il Grischun ad acceptar la nova constituziun? Vegn il rumantsch grischun veramain introducì davent dal 2006 en tut las scolas rumantschas? E vegn il pievel grischun a dir gea al mondel grischun? Vegn la Porta alpina realisada en Surselva?

Fatgs e dumondas. Ins savess manar vinavant questa glista, quasi senza fin. Nus vivain en in temp brisant – politicamein, dentant era socio-culturalmain.

Sco las demonstraziuns globalas per pasch han mussà, è ina gronda part da tut la glieud sin quest mund stada encunter la guerra en l’Irac. PUNTS ha l’ultima giada gì il puntissimo "boulevard" e n’ha pers nagin pled da la guerra. Mintgatant ston ins pigliar las armas dals adversaris per cuntanscher insatge: absurditads encunter absurditads.

Il puntissimo da questa gasetta è "brisant". E cun questa gasetta cumenza la deschavla annada da la gasetta giuvna. Il pli emprim puntissimo è sta "politica". PUNTS na fa betg sulet politica en questa gasetta, ma er: En in temp sco’l noss è quai indispensabel.

texts en questa ediziun

Fadrina Hofmann (Ils raps regnan il muond)Valentina Camous , Rafael Camenisch , Rafael Müller (Quatter giuvens, quatter parairis)Maurus Blumenthal (Ina brisanza ner-alva)Sumarie Schutte (Mamma, è quai vair)Pia Valär (L’inimih)Gianna Sonder (Brisant?)Ursin Lutz (Duront l’uiara tier l’armada Svizra)Roman Schmid (Chars chauns)Roger Nigg (Igl ei stau brisant enqualga)Gian Sgier (Comics caulds)Rafael Camenisch (Spinners)Hildegard versus Clotilda (Gring - gring - gring)David Spinnler (La schibetta dal mais: Slee - Ping With Ghosts)Curdin Fliri (Film dal mais: The Matrix - Reloaded)

turnar a la survista