PUNTS
la gasetta giuvna

Detagls davart l'ediziun nr. 105

favrer 2003
annada 9
Magia
PUNTS nr. 105
Caporedacziun: Pia Valär
Rafael Camenisch
Valentina Camous
Layout: Theres Jörger
Michael Husmann (illustraziuns)
editorial

Crais en princessas? (Rafael Müller)

Magia ha’l num, il puntissimo actual. E magia, quai po esser vaira tut. As dastga per exempel preschentar las magias cristianas, numnadas miraclas. Qua avainsa levadas da mort en vita e manipulaziuns che fan d’ina talgia in’entira armada da pauns ed d’in pesch ina fabrica da sardellas. Ni co fissi cun magias nairas e strias che chatschan guglias a poppas dal tgil en per far in infarct dal cor ad in pauperet che mora perquai che ses colesterin è memia aut. E tge manegias da striunzs arabs che sgulan sin tarpuns perquai ch’els han chiffà memia bler? E betg emblida Harry Potter e ses egliers, il prototip dal streber che survegniss fridas en scola senza sia magia. Ses bab dentant, quai savess esser David Copperfield, quella grusiga latta che resgia da part femnas. – Tanschi cun magias, has avunda e vuls turnar en la realitad? Ta regordas da las paraulas, nua che princessas blondas laschavan lur chavels oragiu da la tur, uschia che lur lovers savevan rampignar si dals tals? Ni quellas che bitschavan rustgs schlemus sco tai e mai ed as dava il sentiment d’esser vairs prencis. E Ti chara lectura, sas anc il prenci che ta dasdava cun in bitsch or da tschient onns depressiun pubertara? Ni quel che era spizzaglia sin Tai, schebain che Ti sas gnanca ir a pe senza perder Tes pumps? – Paraulas, deplorablamein. Ed il carstgaun nascha sco megacartent, perda cun diesch onns la cretta en las paraulas, cun quindesch quella en dieu e sunter ventg finalmein quella el mund. Despero e constristada infinitamein? Alura legia questas paginas, paja tes abo annual e Ta penda si vi d’ina laterna … ni crais Ti anc adina en princessas e prencis? Claro, quellas culs chavels lungs e blonds portan ussa ina frisura curta e quels che ta desdan da la sein eterna fan quai per Ta maridar, ma sajas inamurà ed inamurada e prencis e princessas na smettan betg d’exister. E betg emblida: Ti tegnas en maun il numer 105 da PUNTS, la princessa da las gasettas rumantschas!

texts en questa ediziun

Rafael Müller (Magia e co.)Valentina Camous (Igl studi digl blondign)Flurina Badel (Be ün pa magia per plaschair)Claudio Derungs (Rectilign)Dario Klaiss (La giuvna, la fom)Gian Sgier (Adina il medem cun quellas assistentas)Rafael Camenisch (Tuppa schnorra: Hallo Superman)Fadrina Hofmann (Nostradamus - visiunari o scharlatan?)Hildegard versus Clotilda (Ansemen sen pista)David Spinnler (La schibetta dal mais: Lokotown Hi-Life - Sam Ragga Band)Curdin Fliri (Il film dal mais: Gangs Of New York)

turnar a la survista