PUNTS
la gasetta giuvna

Detagls davart l'ediziun nr. 104

schaner 2003
annada 9
Recepts
PUNTS nr. 104
Caporedacziun: Pia Valär
Rafael Camenisch
Valentina Camous
Layout: Theres Jörger
editorial

Recepts (Valentina Camous)

Recepts datti per tut: recepts per cuschinar, recepts per s’encleger bain, recepts per encleger la dunna per encleger il um. Mintgin surpiglia il recept ch’al plai il megler ed al transfurma en ina moda che quel correspunda a ses stil da viver. Qua in recept da mai!

Viver è sco ir cun auto: cura che Ti partas, stos savair exactamain en tge destinaziun che Ti vuls arrivar. Ti stos adina guardar sin via, uschiglio Ta chattas bainspert el chagliom dal foss.

Sch’il viadi maina stentusamain sur la via dal pass, alura strucla sin il pedal da gas. Er sche Ti as dolurs al pe, tegna tras, pertge che bainspert passas la tavla dal ospizi! Sche la via maina levamain aval, alura spargna il benzin per la proxima etappa. Prenda il pe dal pedal da gas. Fa adatg cun duvarar il frain! Dovra el be, sche Ti temas da na betg pli vegnir enturn la storta!

Naturalmein stos da temps en temps er tancar il auto. Fa quest stop, prenda vacanzas e tanchescha novas energias. – Charrar in auto en cumpagnia è franc pli bel. Perquai taidla il radio u procura ina conaustista u in conautist.

Sco davos anc in tip: as sin l’autostrada in Porsche che vul provocar e surpassar Tai? Dà gas e mussa che in Panda sa er charrar cun 150 chaussas tras la cuntrada!

Na tanscha quest recept betg anc? Alura sfeglia e legia questas PUNTS. Bun divertiment cun il numer 104!

texts en questa ediziun

Fadrina Hofmann (Recetta per dvantar furtünà)Rafael Müller (Il sugo della nonna)Garga > Marc Bundi (In recept da test)Valentina Camous (Mufels d’anviern)Dario Klaiss (Telefonar a Diu? Betty Bossy?)Rafel Müller (Las rollas n’èn betg anc repartidas)Pia Valär (Recept per scriver scenaris da sitcom)Hildegard versus Clotilda (Recepts per surtunar igls vaschigns)Benedetto Vigne (Prisas, reprisas e surprisas)Gioni Fry (Nuot per olmas cun quadrels)Curdin Fliri (Il film dal mais: 8 Mile)Patrick Capaul (La schibetta dal mais: Audioslave)Rafael Camenisch , Roger Nigg (Na fa mai il suandont ...)

Datotecas
  • 104.pdf (360.12 KiB)
turnar a la survista