PUNTS
la gasetta giuvna

Detagls davart l'ediziun nr. 101

october 2002
annada 9
Cuntradas
PUNTS nr. 101
Caporedacziun: Pia Valär
Rafael Camenisch
Layout: Theres Jörger
editorial

Consumar cuntradas (Fadrina Hofmann)

Viagiar cul tren è adina in eveniment special. Ins po simplamain prender plazza ed uschespert ch’il tren sa metta en moviment, cumenza la preschentaziun: chasas, guauds, muntognas, champs, vias, lais e milli autras chaussas passan sper l’egl via. Consumar cuntradas, numn jau quai. In plaschair che mintgin sa po prestar e dal qual bler massa pauca glieud fa diever. Prendain per exempel il traject Scuol – Berna. En quatter uras da viadi vegnan purschidas cuntradas muntagnardas, cuntradas agriculas, cuntradas cun guauds da feglia e collinas, e pel junke da la civilisaziun datti perfin zonas indistrialas, nua che la cuntrada vegn dominada da la colur grischa.

Per tgi che na s’interessa betg per ils maletgs che passan sper la fanestra via, datti in’autra maniera per consumar cuntradas. Vistas umanas! Gea, gea, noss conumans pon esser in passatemp ordvart interessant. En mintga vista sa zuppan tratgs che na vegnan betg remartgads sin prim sguard, saja quai tar la vista d’in pubertant u tar quella d’ina dunetta veglia. Natiralmein variescha er questa sort da cuntrada: i dat apparientschas agreablas u dischagreablas, lungurusas u interessantas, allegraivlas u tristas. Ma i na fa betg senn che jau cuntinuesch a raquintar da mias experientschas. L’experientscha dal consum da cuntradas è mintga giada differenta, ed en mintga cas ina chaussa che mintgin ha pruvar sez.

Il puntissimo da PUNTS nr. 101 è "cuntradas". Ils redacturs da PUNTS realiseschan en questa ediziun l’experientscha da consumar cuntradas senza che Vus, chars lecturs e charas lecturas, hajas da far in viadi cul tren. Jau as giavisch bun divertiment ed attenziun: scu tar mintga consumaziun exista il privel da dependenza!

texts en questa ediziun

Barbla Etter (In tschercha dal Matterhorn)PUNTS (Sco rabagliar ensemen in dumber d’abunents sco il Blick?)Rafael Müller (Cura tg’igl tgigl fò mal)Simon Casutt (La cuntrada semida)Pia Valär (Scu ch’our d’ün lej es dvanteda la cited la pü granda dal muond)Ursin Lutz (Cuntradas linguisticas)David Casutt (La cuntrada trumpada)Martin Cantieni (Ina Expo.02 cun studis psicologics ni Jour de Suisse 606)Chatrina Josty (Ün viedi tres la Rumenia - ün tres il temp)Rafael Camenisch (Da Maranga a New York, ni: dil silenzi en museums)Hildegard versus Clotilda (Reincarnaziun)Patrick Capaul (La schibetta dal mais: Songs For The Deaf)Anna Serarda Campell (Cinemania)

turnar a la survista