PUNTS
la gasetta giuvna

Detagls davart l'ediziun nr. 100

settember 2002
annada 9
100 giadas
PUNTS nr. 100
Caporedacziun: Fadrina Hofmann
Rafael Camenisch
Rafael Müller
Layout: Theres Jörger
Susanne Staus (fotografias)
editorial

100 giadas… (Rafael Camenisch, Rafael Müller, Fadrina Hofmann e David Truttman)

100 giadas PUNTS.
100 giadas scriver cun la mir e betg per il giat.
100 giadas mobilisaziun regiunala.
100 giadas leger e leger.
100 PUNTSissimos.
100 giadas sa sfender la creppa.
100 giadas scriver per PUNTS senza siglir giu dad ina.
100 giadas scriver vardad e manzegnas.
100 giadas tschertgar PUNTS tranter duas construcziuns.
100 giadas esser vegnì bitschà da la musa.
100 giadas per il mund enturn.
100 giadas patria.
100 giadas esser il ester per chattar sasez.
100 giadas batter las alas e betg savair sa aulzar en l’aria.
100 giadas provotgar e 99 giadas cun success.
100 giadas siglir atras tschertgels da fieu senza sa brischar. 100 sesidas.
99 giadas refusar da vegnir caporedactur/a.
100 giadas metter il punct sin il "i".
100 giadas vulair restar giuven.
100 giadas telefonar en crusch e traviers.
100 cumplicaziuns cun e-mails.
100 amitgs e tuttina sulet.
Per la 100avla giada rumantsch de luxe.
Per la 100avla giada in coctail dad idioms.
Per la 100avla giada in numer special
100 acziuns da pumpiers.
100 e dapli plaschairs
100 gaidas PUNTS.

Bun divertiment cun la 100avla ediziun da PUNTS – la gasetta giuvna!

texts en questa ediziun

Christoph Mareischen (Lifestyle sen la plazza)Ursin Lutz (Ei tila in vent)Mevina Feuerstein (Nic Ripz - ün artist cun corp ed orma)Gianna Sonder (Digl pasterner agl guardian)Rafael Camenisch (Betg in um?)Maurus Blumenthal (Fugir el mund ni embratschr gl’entir mund)Pia Valär (In viedi)Fadrina Hofmann (Coco Chanel - innovatura ed icona)Gianna Sonder (Veiver da l’oter mang digl mond)Conradin Klaiss (Hm...)Curdin Fliri (Film dal mais: Achtung, fertig, Charlie!)David Spinnler (La schibetta dal mais: Cléan - Universal Language)

Datotecas
  • 100.pdf (1.74 MiB)
turnar a la survista