PUNTS
la gasetta giuvna

Detagls davart l'ediziun nr. 1

zercladur 1994
annada 1
Musica
PUNTS nr. 1
Caporedacziun: Anita Simeon
Gaudench Dazzi
Carla Gartmann
editorial

Ueila!

Tgi che di A di er B – suenter PUNTS 0 suonda uss PUNTS 1. Cler che betg tut funcziunescha tar l’emprim’emprova. Nus ans perstgisain er tar tut quels ch’avevan abunà la gasetta ma na l’han betg survegnida. Sorry! Er dals diavelins da tinta (uschè numnads sbagls da stampa) nun è PUNTS 0 betg vegnida preservada. Ils buns lecturs vegnan ad avair percurschì quai, nossa gasetta na stat però er betg in ils status quo, ella emprova d’esser dinamica, actuala. Per pudair scriver nossa gasetta tenor voss gusts duvrain nus dentant uschè numnads feedbacks. Forsa ch’er ina giada insatgi da vus prenda la plima en maun e scriva ina brev da lectur?!

Musica è il tema principal da questa gasetta. Daven da l’open-air Lumnezia sur ils Bulais sexuals fin tar Out of the green a Winterthur – sound total. Total reussi ha era noss Manö e perquai èn natiralmein deditgadas er in per lingias ad el. Pervi da raps datti adina puspè incaps, uschè per exempel a l’hotel Cresta a Savognin, ma era tar las plazzas da golf en Engiadina fan ils raps ina guerra cunter la natira. Il desert – sablun, sulegl e chaliras – però savevas ch’i det er flurs en il desert? Betg? Alura legiai noss tip litterar. Streetball – in sport enconuschent en America, pli pauc tier nus, ma er tar nus datti streets e balls, pertge betg cumbinar questas duas chaussas. En ils umens da l’annada 71 propi il pli tgutgs sco che tscherts professers per statistica vulan dar da crais? Pertge ha Kurt Cobain sa schlupettà? Tgeininas èn la las deblezzas u flaivlezzas dad Andri Franziscus? A quellas bleras autras dumondas chattais vus resposta sin las proximas paginas. Ina resposta stuais però sez chatter, numnadamein quella sin la dumonda da nossa concurrenza a la la pagina 4. Da gudagnar datti dus bigliets per il concert da Billy Joel a Turitg. Prenda oramai las chommas sut bratsch e trametta a nus tia resposta. Blera fortuna e bun divertiment!

texts en questa ediziun

Isabelle Jaeger ("PUNTS on the Rocks" – Sound engiadinais sco prüm term per "PUNTS")Isabelle Jaeger (Categoria 4 dad ota qualità: La musica da giuventüna Engiadina Bassa)Anita Capaul (KINO)Sara Hauschild (Bainbod esa stà – ils openairs sun qua!)Pia Plaz (Techno & Ecstasy)Alexander Casanova (10. Open-Air Lumnezia)Toni Poltera (Cura tg’angal ple la cula sò gidar)Toni Poltera (Dumondas dur dumondas?!)Anita Simeon (Keep Cool – Mucis and Comedy Show)Anita Simeon (Igl suglegl è oramai tuttegna lavò)Claudio Barrachi (Golf in Engiadin’Ota)David Carigiet (Intervesta cun deputau Daniel Monn)David Carigiet (Reminescenza sil Cumin dalla Cadi 1994)Elvira Pünchera (Las fluors dal desert da Clà Biert)Werner Carigiet (Neucholore `94)Manfred Gross (80 onns ed anc adina viscal!)Gion Balzer Risch (Streetball – expressiun d’ina generaziun viva!)Guadench Dazzi (Anneda 71 ils chuchs dal pajais?))

turnar a la survista